گومل یونیورسٹی کے قائم مقام وائس چانسلر پروفیسر ڈاکٹر نعمت اللہ بابر نے آج بروز بدھ16 ستمبر ہائر ایجوکیشن کمیشن (HEC) کے چیئرمین معزز پروفیسر ڈاکٹر نیاز احمد اختر اور ڈائریکٹر جنرل فنانس معزز غلام نبی سے مالی سال 2026-27 کے دوران یونیورسٹی کے ملازمین کی تنخواہوں اور پنشنرز کی پنشن کی ادائیگی کے لیے ایک ارب روپے کی اضافی وفاقی حکومت گرانٹ اِن ایڈ کی منظوری اور گومل یونیورسٹی میں آئندہ ماہوں کے دوران تنخواہوں اور پنشن کی بروقت ادائیگی کے حوالے سے تفصیلی مشاورت کی ۔
قائم مقام وائس چانسلر پروفیسر ڈاکٹر نعمت اللہ بابر نے کہا کہ گومل یونیورسٹی کے ملازمین اور پنشنرز کو بروقت تنخواہوں اور پنشن کی ادائیگی یونیورسٹی انتظامیہ کی ترجیحات میں شامل ہے۔ اس مقصد کے لیے وفاقی حکومت اور ہائر ایجوکیشن کمیشن سے خصوصی مالی معاونت کی درخواست کی گئی ہے تاکہ ملازمین کی تنخواہوں اور پنشنرز کی پنشن کی ادائیگی کے عمل کو مؤثر اور بروقت یقینی بنایا جا سکے۔
انہوں نے امید ظاہر کی کہ ہائر ایجوکیشن کمیشن اور متعلقہ وفاقی حکام گومل یونیورسٹی کی مالی ضروریات کو مدنظر رکھتے ہوئے ایک ارب روپے کی اضافی گرانٹ اِن ایڈ کی منظوری اور اجراء کے لیے ضروری اقدامات اٹھائیں گے، جس سے یونیورسٹی کو درپیش مالی مشکلات میں کمی لانے اور ملازمین و پنشنرز کو ریلیف فراہم کرنے میں مدد ملے گی۔
