وائس چانسلر گومل یونیورسٹی پروفیسر ڈاکٹر شکیب اللہ کی ہدایات پر ڈائریکٹر ایڈمیشن کے زیر انتظام گومل یونیورسٹی کے یونیورسٹی وینسم کالج میں ایم فل اور پی ایچ ڈی کے مختلف پروگراموں میں داخلوں کے لیے انٹری ٹیسٹ کا انعقاد کیا گیا
اس موقع پر وائس چانسلر کی خصوصی ہدایت پر کنٹرولر امتحانات وسیم خان کٹی خیل نے یونیورسٹی وینسم کالج میں جاری امتحانی مراکز کا دورہ کیا ،
ڈائریکٹر ایڈمیشن کلیم اللہ خان نے بتایا کہ ایم فل میں پورے ملک سے سے 41 پروگرامز میں 350 سے زائد لوگوں نے داخلے کے لیے انٹری ٹیسٹ دیا ،اور ساتھ بتایا کہ پی ایچ ڈی کے 30پروگرام میں داخلے کے لیے 120 امیدواروں نے اپلائی کیا ،
ڈائریکٹر ایڈمیشن کا مزید کہنا تھا کہ وائس چانسلر گومل یونیورسٹی پروفیسر ڈاکٹر شکیب اللہ کی خصوصی ہدایت پر ان تمام امیدواروں کو جو کسی قانونی یا تکنیکی بنیاد پر بر وقت اپلائی کرنے سے رہ گئے تھے،کو تمام تر قانونی تقاضوں کو پورا کرنے کے بعد انٹری ٹیسٹ میں بیٹھنے کی اجازت دی گئی ہے
واضح رہے کہ ٹیسٹ کے نتائج اور میرٹ لسٹ گومل یونیورسٹی کی ویب سائیٹ پر آویزاں کی جائے گی
اور تمام امیدوار کسی بھی قسم کی معلومات کے لئے ڈائریکٹر ایڈمیشن کے نمبر 0966920814
پر دفتری اوقات میں رابطہ کر سکتے ہیں